Serokê Rêxistina Tenduristiyê ya Cîhanê (WHO) Tedros Adhanom Ghebreyesus ragihand ku li başûrê Libnanê di pênc êrîşên cuda de 9 xebatkarên tenduristiyê hatine qetilkirin û 7 xebatkar jî birîndar bûne.
Dîrektorê Giştî yê Rêxistina Tenduristiyê ya Cîhanê (RTC) Tedros Adhanom Ghebreyesus, piştî qetilkirina neh erkdarên tenduristiyê yên îro li Başûrê Libnanê, banga rawestandina êrîşên li ser xebatkarên tenduristiyê kir. Di daxuyaniyê de hat diyarkirin ku di vê mehê de li Libnanê hejmara xebatkarên tenduristiyê yên hatine kuştin gihîştiye 51 kesan.
Êrîş li gundên Zoutar al-Sharqiya, Kfar Tibnit, Ghandouriyeh, Jezzine û Kfar Dajjal pêk hatin. Tedros bal kişand ser wê yekê ku divê xebatkarên tenduristiyê di çarçoveya hiqûqa mirovî ya navneteweyî de bên parastin û got: "Tenê rêyek ji bo bidawîkirina van trajediyan heye, ew jî rawestandina BILEZ a êrîşên li ser xizmetên tenduristiyê ye.
Li Libnanê niha çar nexweşxane û 51 navendên tenduristiyê yên bingehîn girtî ne. RTC’yê diyar kir ku ev rewş di dema ku herî zêde pêdivî pê heye de, gihîştina xizmetên tenduristiyê yên bingehîn bi awayekî giran asteng dike.
